Ілана Маска абвінавацілі ў стварэнні ў іонасферы Зямлі дзіркі дыяметрам 900 км
Запуск ракеты Space X Falcon 9, якая вывела ў жніўні тайванскі спадарожнік на калязямную арбіту, прывёў да ўтварэння 900-кіламетровае дзіркі ў іонасферы нашай планеты. Пра гэта гаворыцца ў даследаванні навукоўцаў з Нацыянальнага ўніверсітэта Тайваня, пра які піша Tech Times.
У працы адзначаецца, што адносна невялікая вага грузу дазволіла запусціць ракету па амаль вертыкальнай траекторыі замест выгнутай, якая дазваляе лягчэй пераадольваць прыцягненне Зямлі.
У выніку ўтварылася кругавая ўдарная хваля, якая разам з выкідамі газаў з рухавіка прывяла да з'яўлення дзіркі ў плазме іонасферы дыяметрам каля 900 кіламетраў. Адзначаецца, што яна захоўвалася на працягу некалькіх гадзін. Даследчыкі заяўляюць, што хваля стала самай магутнай за ўсю гісторыю касмічных запускаў.
Навукоўцы адзначаюць, што падобныя парывы ў іонасферы могуць прыводзіць да збояў у GPS-сістэмах.
Space X — амерыканская кампанія, заснавальнікам і дзейным кіраўніком якой ёсць Ілан Маск.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары