Дзяўчына пазнаёмілася ў інтэрнэце з пяццю маладымі людзьмі і запрасіла іх дадому. У выніку адзін з хлопцаў скраў ноўтбук бацькі дзяўчыны, паведамляе ГУУС Мінскага гарвыканкама.
Госці прыехалі з алкаголем. Праз нейкі час дадому вярнуўся бацька дзяўчыны. Ён застаў усіх прысутных у стане моцнага алкагольнага ап'янення і папрасіў гасцей пакінуць кватэру. Пасля сыходу новых сяброў дачкі мужчына выявіў прапажу свайго ноўтбука.
Высветлілася, што большасць гасцей дзяўчыны нават не былі знаёмыя паміж сабой да сустрэчы ў кватэры. Імёнаў і прозвішчаў яна не ведала, як выглядаюць не памятала, перапіску ў сацыяльнай сетцы выдаліла, што ўскладняла працу супрацоўнікам крымінальнага вышуку. Аднак аператыўнікам ўсё ж змаглі знайсці падазраванага ў здзяйсненні крадзяжу ноўтбука. Ім аказаўся 27-гадовы беспрацоўны з Бабруйска.
Цяпер па дадзеным факце заведзеная крымінальная справа па частцы 1 артыкула 205 (Крадзеж) КК Беларусі.
Каментары