У суботу ў шмат якіх раёнах Беларусі пройдуць дажджы. Тэмпэратура ўначы будзе 3‑9 цяпла, а ўдзень не вышэй за 6‑12 градусаў.
На выходныя ў Беларусь прыйдзе халоднае паветра з паўночнага захаду Эўропы і тэмпэратура панізіцца. Пра гэта паведамілі ў Белгідрамэтцэнтры.
Як адзначыла галоўны сыноптык Вольга Фядотава, у суботу ў шмат якіх раёнах Беларусі пройдуць дажджы. Тэмпэратура ўначы будзе 3‑9 цяпла, а ўдзень не вышэй за 6‑12 градусаў.
Фядотава: У нядзелю дажджы чакаюцца ў многіх раёнах краіны, больш інтэнсіўныя — у паўночнай частцы Беларусі. А тэмпэратура паветра ўначы панізіцца да 2‑7 цяпла, на тарфяніка Палесься месцамі чакаюцца замаразкі да 0…‑2. Удзень — ад 7 да 13 цяпла.
На пачатку наступнага тыдня дажджы чакаюцца толькі ў асобных раёнах Віцебшчыны. Але ночы і раніцы чакаюцца туманныя. Тэмпэратура паветра ўначы ў панядзелак будзе +3…+8, а ўдзень — ад 7 да 13 вышэй за нуль.
У сераду дажджы пройдуць на паўночным захадзе краіны. Тэмпэратура паветра ўначы будзе заставацца нізкай — +2…+7, а дні чакаюцца сонечныя і тэмпэратура паветра складзе 9…16 градусаў вышэй за нуль.
Цяпер чытаюць
На вучэннях «Захад» адпрацоўваюць напад на Польшчу і Літву пад выглядам абароны Калінінграда19
Каментары