Антынаркатычны арт. 328 КК прапануюць змякчыць. У Палату прадстаўнiкоў 11 мая трапіў законапраект «Аб змяненні некаторых кодэксаў Рэспублікі Беларусь». Ад парламентароў Tut.by даведаўся, якія змены прапануецца ўнесці ў артыкулы.
Як распавялі ў парламенце, у арт. 328 КК плануюць унесці змены ў плане тэрмінаў пазбаўлення волі, а менавіта
знізіць ніжнюю санкцыю па ч. 2 і па ч. 3 артыкула 328 КК — да 3 і 6 гадоў адпаведна, а канфіскацыю маёмасці замяніць на штраф.
Такім чынам, за незаконныя з мэтай збыту выраб, перапрацоўку, набыццё, захоўванне, перавозку або перасылку або незаконны збыт наркатычных сродкаў, псіхатропных рэчываў або іх прэкурсораў або аналагаў
прапануецца караць пазбаўленнем волі на тэрмін ад 3 да 8 гадоў са штрафам або без штрафу. Сёння па гэтай частцы артыкула караюць пазбаўленнем волі на тэрмін ад 5 да 8 гадоў з канфіскацыяй маёмасці або без канфіскацыі.
За тыя ж дзеянні, учыненыя групай асоб, або службовай асобай з выкарыстаннем сваіх службовых паўнамоцтваў, альбо асобай, якая раней учынiла злачынствы, прадугледжаныя артыкуламі 327, 328, 329 або 331 КК
плануюць караць пазбаўленнем волі на тэрмін ад 6 да 15 гадоў са штрафам або без штрафу. Цяпер караюць пазбаўленнем волі на тэрмін ад 8 да 15 гадоў з канфіскацыяй маёмасці або без канфіскацыі.
У ч. 4 і 5 арт. 328, а таксама ч. 1 і 3 арт. 328/1 КК канфіскацыю маёмасці таксама хочуць замяніць на штраф.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары