Апошнімі днямі ў Расіі тэставалася блакіроўка званкоў.

Раскамнагляд паведаміў пра абмежаванне званкоў праз Telegram і WhatsApp. Робіцца гэта для таго, каб змагацца з кібермахлярствам і «ўцягваннем у дыверсійную і тэрарыстычную дзейнасць расейскіх грамадзян».
«Паводле звестак праваахоўных органаў і шматлікіх зваротаў грамадзян, замежныя месенджары Telegram і WhatsApp сталі асноўнымі галасавымі сэрвісамі, якія выкарыстоўваюцца для падману і вымагальніцтва грошай, уцягвання ў дыверсійную і тэрарыстычную дзейнасць расейскіх грамадзян», — растлумачылі РБК гэта рашэнне ў прэс-службе Раскамнагляда.
Іншых абмежаванняў функцыяналу ў Telegram і WhatsApp не ўводзіцца.
Апошнімі днямі карыстальнікі гэтых месенджараў у Расіі мелі складанасці — у прыватнасці не працавалі відэазванкі. Са слоў крыніцы «Коммерсанта», гэтыя збоі маглі быць звязаныя з выбарачнымі блакаваннямі званкоў у Telegram і WhatsApp, тэставання якіх пачаліся яшчэ 1 жніўня.
-
Археолагі знайшлі доказы таго, што найстаражытнейшыя продкі чалавека — якія жылі 2,5 млн гадоў таму — ужо ўмелі навучаць і перадаваць веды
-
Трамп заявіў, што ЗША не будуць удзельнічаць у саміце G20 у ПАР
-
ЗША не будуць блакаваць пастаўкі расійскай нафты і газу ў Венгрыю, заявіў Орбан пасля сустрэчы з Трампам
Каментары