З прысьвячэньнем Мулявіну
Шчырае і кранальнае прывітаньне зь Нью‑Ёрку ад экс‑гітарыста «Песьняроў» у выглядзе інструмэнтальных вэрсіяў знакавых беларускіх твораў.
Шчырае і кранальнае прывітаньне зь Нью‑Ёрку ад экс‑гітарыста «Песьняроў» у выглядзе інструмэнтальных вэрсіяў знакавых беларускіх твораў.
«Роднае» ўмоўна можна падзяліць на дзьве часткі. Адну складаюць народныя песьні («Ой, рана на Йвана» з прысьвячэньнем Мулявіну) ды гімны Айчыны — «Пагоня», «Мы выйдзем шчыльным радамі», «Магутны Божа». Плюс гімн Эўрасаюзу — «Ода да радасьці» Бэтховэна.
Гітара Растопчына чаруе — да аранжаваньня клясыкі ён падышоў сьмела і без забабонаў, уласьцівых шмат якім інтэрпрэтатарам: «Пагоня» пасавала б у якасьці саўндтрэку да амэрыканскага вэстэрну, а ў «Купалінцы» зьмяшаліся ўсходнія ды заходнія музычныя традыцыі.
Ды яшчэ гэты прыемны блюзавы налёт у кожнай кампазыцыі. Аніводнага твору Растопчын не папсаваў сваім умяшаньнем, а толькі дадаў новых фарбаў. Яскравая музычная праца, выкананая на найвышэйшым узроўні.
Каментары