Ён абвясьціў галадоўку, сказаўшы, што ягонае далейшае жыцьцё бессэнсоўнае.
Суд Менскага раёну і суду гораду Заслаўя асудзіў Рамана Менцюка на 5 гадоў калёніі агульнага рэжыму (арт. 317, ч.2 КК).
Раман Мянцюк сказаў, што будзе і надалей адмаўляцца ад ежы, бо ягонае далейшае жыцьцё бессэнсоўнае.
Прысуд можа быць абскарджаны цягам 10 дзён у Менскім абласным судзе.
***
Пракурор папрасіў пакараць Рамана Менцюка 5 гадамі калёніі агульнага рэжыму.
Мянцюк абвясьціў галадоўку, кажучы, што ён невінаваты: «Я толькі парушаў правілы дарожнага руху».
Таксама ён сьцьвярджае, што падчас сьледзтва да яго ставіліся прадузята, але ён ніякі не крымінальнік.
«Я мужчына са сваёй годнасьцю і не хачу вяртацца ў зону, у выпадку заключэньня ў калёнію, туды ісьці не зьбіраюся».
Але абскарджваць прысуд Раман Мянцюк не зьбіраецца.
Пракурор матываваў такую жорсткую меру прысуду тым, што на вольным пасяленьні Мянцюк можа ўцячы, як ён уцёк у Маскву.
Адвакат просіць пакараць свайго падабароннага, але не садзячы ў турму.
Прысуд будзе абвешчаны ў 12:10.
***
Сёньня ў судзе Менскага раёну і гораду Заслаўе (слуханьні ідуць ў памяшканьні суду Маскоўскага раёну сталіцы) працягваецца працэс над Раманам Менцюком.
Нагадаем, што 2 сакавіка 2008 г, кіруючы сваім аўто «фальксваген гольф», на хуткасьці каля 160 км/г нецьвярозы Раман Мянцюк выклікаў аварыю на 8-м кілямэтры трасы Менск — Мікашэвічы. Ён урэзаўся ў некалькі аўтамабіляў, якія, як паказала разьбіральніцтва ў судзе, супрацоўнікі ДАІ выставілі на дарозе ў якасьці заслоны з мэтай спыніць парушальніка.
Мянцюк сваю віну прызнаў, але папрасіў суд прызначыць яму пакараньне, не зьвязанае з пазбаўленьнем волі.
Заўтра, 30 кастрычніка, у судзе Менскага раёну і гораду Заслаўе пачнецца працэс над ягонай жонкай Вольгай, якая знаходзіцца на восьмым месяцы цяжарнасьці.
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць10
Каментары