Ратавальнікі дапамаглі двум гараджанам, якія няўдала нырнулі ў ваду ў выходныя. Пра гэта карэспандэнту агенцтва «Мінск-Новості» паведамілі ў Мінскай гарадской арганізацыі АСВОД.
4 жніўня 17-гадовы юнак няўдала нырнуў у Цнянскае вадасховішча, стукнуўся аб дно галавой і атрымаў рассячэнне. Пра здарэнне выратавальнікам паведамілі ягоныя сябры. Супрацоўнікі АСВОД даставілі пацярпелага на станцыю, дзе ён атрымаў медыцынскую дапамогу і дзе яму выклікалі хуткую. Хлопцу налажылі швы.
5 жніўня, у забароненым для купання Чыжоўскім вадасховішчы выратавалі 30-гадовага мужчыну. Ён таксама з разбегу нырнуў на мелкаводдзе. У выніку стукнуўся галавой аб дно, страціў прытомнасць. Яго прыяцелі, якія сядзелі на беразе, падумалі, што ён жартуе, і не рабілі ніякіх дзеянняў. Мужчыну выратаваў абход тэрыторыі супрацоўнікам Мінскай гарадской арганізацыі АСВОД. Ён выклікаў па рацыі калег і хуткую дапамогу. На працягу некалькіх хвілін выратавальнік спрабаваў вярнуць нырца да жыцця, рабіў яму штучнае дыханне і масаж сэрца. Яшчэ да прыезду лекараў супрацоўнікі АСВОД вярнулі яму прытомнасць. Мужчыну даставілі ў Рэспубліканскі навукова-практычны цэнтр траўматалогіі і артапедыі.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1616
Каментары