Наступны шасцігадовы цыкл у расійскай эканоміцы будзе няпростым праз санкцыі, гандлёвыя войны і пратэкцыянізм. Пра гэта заявіў прэм'ер-міністр Расіі Дзмітрый Мядзведзеў на пасяджэнні ўрада ў чацвер.
«Усе мы разумеем, што пачатак гэтага шасцігадовага цыклу наўрад ці будзе простым. Мы павінны ўлічваць сітуацыю на сыравінных і фінансавых рынках, а таксама не ў меншай ступені магчымае пашырэнне гандлёвых войнаў і ўзмацненне пратэкцыянізму і санкцыйнага ціску», - сказаў прэм'ер-міністр
Па словах Мядзведзева, Расія будзе выбудоўваць эканамічную палітыку так, каб упэўнена развівацца нават у такіх «не зусім спрыяльных умовах» і «забяспечыць устойлівае павышэнне ўзроўню жыцця».
Кіраўнік урада заклікаў «узважана ацаніць макраэканамічныя ўмовы, у якіх давядзецца працаваць на працягу бліжэйшых шасці гадоў».
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення4
Каментары