Польшча хоча размясціць амерыканскую вайсковую базу на ўсходняй ці паўночна-ўсходняй мяжы, заявіў кіраўнік канцылярыі прэм'ер-міністра Польшчы Міхал Дворчык у эфіры радыёстанцыі RMF FM.
У аўторак прэзідэнт ЗША Дональд Трамп заявіў, што ЗША пакуль абдумваюць магчымасць размяшчэння ў Польшчы пастаяннай амерыканскай базы, а Варшава гатовая плаціць за яе «мільярды і мільярды даляраў».
«Яшчэ рана казаць аб канкрэтных месцах. Адно можна сказаць напэўна: мы хацелі б, каб такое рашэнне было прынята, каб такая база была размешчана дзесьці на ўсходнім флангу, на паўночным усходзе або на ўсходзе Польшчы», — сказаў Дворчык.
Пры гэтым ён настойвае, што амерыканская база павінна гарантаваць Польшчы бяспеку. «Усе разумеюць, што такое рашэнне аб размяшчэнні ў Польшчы пастаянных баз ЗША было б вельмі вялікай падзеяй, істотна адбілася б на бяспецы ўсяго рэгіёну і, вядома, Польшчы», — заявіў Дворчык.
Цяпер чытаюць
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!39
Каментары