Ва Украіне хэйцяць Ціну Караль праз песню пра святло і цяпло. Яна запісала пакаяннае відэа
Украінская спявачка Ціна Караль сутыкнулася з рэзкай крытыкай з боку карыстальнікаў інтэрнэту праз песню пра адсутнасць электрычнасці, вады і цяпла ў дамах украінцаў. Артыстцы нават давялося публічна адказваць на абвінавачанні, піша УНІАН.
Нядаўна Ціна Караль апублікавала відэа, на якім яна выконвае песню са словамі пра тое, што нават без святла і цяпла ў людзей застаюцца дабрыня, адзінства і сям’я. Аднак на фоне цяжкай сітуацыі ў энергасістэме краіны многія ўспрынялі гэты трэк негатыўна.
У каментарах карыстальнікі абвінавачвалі спявачку ў недарэчнасці цяпер падобнай творчасці, адарванасці яе ад рэальнасці і нават пісалі, што такой песняй яна «пахавала кар’еру». Некаторыя ставілі пад сумнеў, для каго наогул гэта ўсё прызначана, сцвярджаючы, што такая песня цяпер выглядае як насміханне з людзей.
У адказ Ціна Караль напісала ў сваім тэлеграм-канале, што песня зусім не новая — ёй ужо каля двух гадоў, а выпусціў яе аўтар Даніла Гарадзецкі яшчэ вясной 2023 года. Спявачка патлумачыла, што яе мэтай было хаця б крыху падтрымаць людзей і «дадаць святла ў душы».
Відэа з прабачэннем яна апублікавала ў сацсетках.
Караль падкрэсліла, што зараз цяжка ўсім без выключэння — холадна, непрыемна і сумна. Паводле слоў спявачкі, галоўны сэнс песні — пра чалавечае цяпло і ўзаемную падтрымку. Ціна Караль таксама адзначыла, што сама карыстаецца генератарам, але аплачвае яго працу за ўласныя грошы, і, як і ўсе, змагаецца з крызісам.
Абвінавачанні ў тым, што песня нібыта была замоўлена ўладамі, яна назвала абсалютнай недарэчнасцю.
Найлепшыя беларускія трэкі за 2025 год? Вы будзеце ашаломленыя
Nevika спявае на беларускай мове, але часам яе песні збіраюць больш праслухоўванняў у Расіі
Спявачка Лера Яскевіч падзялілася болем: «Магчыма, я не змагу выпускаць песні пад сваім імем». Што здарылася?
Ларыса Доліна так і не вызваліла кватэру, а чыліць з роднымі ў Эміратах
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР5
Каментары