УПЦ Маскоўскага патрыярхата заяўляе, што «Правы сектар» захоплівае іх храм і б'е прыхаджан
Прэс-служба Украінскай праваслаўнай царквы Маскоўскага патрыярхата заявіла, што «Правы сектар» спрабуе захапіць будынак мітрапалічных палат пры Свята-Траецкім храме ў мястэчку Багарадчаны Івана-Франкоўскай вобласці.
«Узламалі дзверы, разбілі вокны і збілі вернікаў… Адзін з мужчын атрымаў страсенне мазгоў, яшчэ аднаму зламалі руку, ад рук рэйдараў пацярпеў таксама настаяцель храма протаіерэй Уладзімір Шувар», — заявілі прадстаўнікі царквы.
У УПЦ МП сцвярджаюць, што кіраўнік мясцовага «Правага сектара» збірае людзей каля царквы, каб захапіць храм.
Таксама ў маскоўскім патрыярхаце заяўляюць, што радыкалы трапілі ў памяшканне і ўчынілі бойку з прыхаджанамі.
Таксама там паведамілі, што нікому не ўдалося зняць здарэнне на камеру, паколькі ўсё здарылася вельмі хутка.
На месца здарэння адправілася следча-аператыўная група мясцовай паліцыі.
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары