Расійская школьніца з дапамогай чужога пашпарта спрабавала праз беларуска-літоўскую мяжу патрапіць у Аўстрыю да свайго каханага, паведамляе Дзяржпагранкамітэт.
Уначы 29 верасня ў пункце пропуску «Беняконі» пры афармленні на выезд з Беларусі аўтамабіля Renault беларускай рэгістрацыі памежнікі затрымалі пасажырку, якая паказала не свой пашпарт.
Падчас разбору дзяўчына ўсё ж паказала свой дакумент — грамадзянкі Расіі 2001 года нараджэння. Яна распавяла, што на парушэнне закона пайшла з-за таго, што хацела патрапіць у Аўстрыю да свайго каханага.
З хлопцам дзяўчына пазнаёмілася ў інтэрнэце. Дзяўчына з-за непаўналецця не магла самастойна атрымаць шэнгенскую візу і адправіцца ў Вену. Таму і вырашыла выкарыстаць чужы дакумент.
На грамадзянку Расіі аформілі пратакол і змясцілі ў ізалятар часовага ўтрымання.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі3
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары