У адказ на ініцыятыву адносна беатыфікацыі Францішка Скарыны, з якой 16 кастрычніка выступіла Згуртаванне беларусаў свету «Бацькаўшчына», Мітрапаліт Мінска-Магілёўскі, старшыня Канферэнцыі каталіцкіх біскупаў, арцыбіскуп Тадэвуш Кандрусевіч выступіў з наступнай заявай. Тэкст адказу змешчаны на сайце catholic.by.
«На «Хрысціянскім інфармацыйным партале krynica.info» з’явілася інфармацыя пра тое, што ЗБС «Бацькаўшчына» заахвочвае пісаць лісты пробашчу мінскай парафіі св. Сімона і св. Алены кс. каноніку Уладзіславу Завальнюку з просьбай аб ініцыяванні працэсу беатыфікацыі нашага славутага першадрукара доктара Францішка Скарыны.
У сувязі з гэтым, знаходзячыся на прысвечаным моладзі Сінодзе Біскупаў, які ў гэтыя дні адбываецца ў Ватыкане, ад імя Канферэнцыі Каталіцкіх Біскупаў у Беларусі заяўляю наступнае.
Па-першае, Каталіцкі Касцёл з вялікай павагай адносіцца да асобы і заслугаў беларускага першадрукара Францішка Скарыны. У мінулым годзе прадстаўнікі Касцёла прымалі актыўны ўдзел у святкаванні Юбілею 500-годдзя выдання ім Бібліі на роднай мове і з вялікай радасцю прынялі б пацверджанне яго святасці.
Па-другое, працэдура беатыфікацыі (працэс абвяшчэння благаслаўлёным) у Каталіцкім Касцёле акрэсліваецца Апостальскай Канстытуцыяй Divinus perfectionis Magister папы Яна Паўла ІІ. Паводле гэтага дакумента, беатыфікацыйны працэс можа распачаць толькі біскуп таго месца, дзе пахаваны чалавек, пра беатыфікацыю якога ідзе гаворка.
На жаль, дакладна невядома, дзе пахаваны Францішак Скарына. Гэты факт пакуль што не дае ніякіх шанцаў на распачацце працэсу яго беатыфікацыі.
Па-трэцяе, касцёльнае заканадаўства прадугледжвае шмат іншых умоваў для распачацця беатыфікацыйнага працэсу,
і адной з галоўных з’яўляецца перакананне Божага народа ў святасці гэтага чалавека і ў гераічнасці цнотаў, якія ён практыкаваў у сваім зямным жыцці. Акрамя таго, з моманту смерці кандыдата для беатыфікацыі павінен існаваць яго культ сярод вернікаў.
Так, напрыклад, мы памятаем, як падчас пахавання св. Яна Паўла II 8 красавіка 2005 г. на плошчы Святога Пятра ў Рыме з’явіліся плакаты з надпісам: «Ужо святы».
Па-чацвёртае, Канферэнцыя Каталіцкіх Біскупаў у Беларусі не давала ніякіх паўнамоцтваў кс. каноніку Уладзіславу Завальнюку збіраць матэрыялы для ініцыявання працэсу беатыфікацыі Францішка Скарыны. Працэс беатыфікацыі з’яўляецца перадусім юрыдычным актам, у якім неабходна захоўваць нормы касцёльнага заканадаўства.
Тое, што прапануюць аўтары ініцыятывы, пра якую паведамляе «Хрысціянскі інфармацыйны партал krynica.info», з’яўляецца некананічным дзеяннем і не мае ніякай юрыдычнай моцы ў Каталіцкім Касцёле.
Сабраныя такім чынам матэрыялы не могуць быць далучаныя да працэсу беатыфікацыі ў выпадку яго распачацця біскупам месца, дзе пахаваны наш славуты зямляк.
-
З хросным ходам і феерверкамі. Поўная праграма Дня беларускага пісьменства ў Лідзе
-
Памёр украінскі мастак бурацкага паходжання, што стварыў культавыя мультфільмы «Востраў скарбаў» і «Прыгоды капітана Урунгеля»
-
Фанаты Тэйлар Свіфт гадаюць, што значыць кніга пра Шагала, Малевіча і Лісіцкага, заўважаная ў анонсе да яе новага альбома
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія3
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары