У Пінску доктара асудзілі за недапамогу хвораму: паўтара года і 100 базавых штрафу
Суд Пінска абвясціў прысуд доктару за неаказанне дапамогі пацыенту, паведамілі БелТА ў прэс-службе Брэсцкага абласнога суда.
Мужчына працаваў лекарам-тэрапеўтам у Пінскай цэнтральнай бальніцы. У ноч з 11 на 12 лютага, падчас дзяжурства, ён не аказаў медыцынскую дапамогу дастаўленаму ў прыёмнае аддзяленне хвораму. У той жа дзень 41-гадовы пацыент памёр.
Была прызначаная экспертыза, у дачыненні да доктара распачалі крымінальную справу. Суд прызнаў мужчыну вінаватым.
Яму прызначана пакаранне: паўтара года абмежавання волі без накіравання ў выпраўленчую ўстанову адкрытага тыпу. Таксама ён заплаціць штраф у памеры 100 базавых велічыняў (Br2450).
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада55
Каментары