Ён перамог у юбілейным, 50‑м па ліку апытанні, што традыцыйна ладзіцца газетай «Спортивная панорама».
Алімпійскі чэмпіён Пекіна цяжкаатлет Андрэй Арамнаў прызнаны найлепшым спартоўцам Беларусі 2008 году.
Ён перамог у юбілейным, 50‑м па ліку апытанні, што традыцыйна ладзіцца газетай «Спортивная панорама».
Нагадаем, што Арамнаў на сваёй дэбютнай Алімпіядзе заваяваў золата ў вагавай катэгорыі 105 кг.
Па выніках галасавання ён атрымаў 1258 балаў,
89 рэспандэнтаў паставілі яго на першае месца, 27 — на другое, і 9 — на трэцяе.
Другое месца (1162 балаў) заняла яшчэ адна алімпійская чэмпіёнка Аксана Мянькова, што выйграла ў Пекіне спаборніцтвы па кіданні молату. Трэцяе месца занялі браты Аляксандр і Андрэй Багдановічы, якім не было роўных ў фінале заезду на каноэ‑двойцы. У актыве нашых весляроў 1031 бал.
У дзесятку лепшых атлетаў увайшлі таксама Андрэй Краўчанка (лёгкая атлетыка, дзесяцібор’е), Андрэй Рыбакоў (цяжкая атлетыка), Іна Жукава (мастацкая гімнастыка), Наталля Міхневіч (лёгкая атлетыка, штурханне ядра), дуэт Вадзім Махнеў / Раман Петрушэнка (веславанне на байдарках і каноэ), Кацярына Карстэн (акадэмічнае веславанне) і Васіль Кірыенка (веласпорт).
У намінацыі «Найлепшая каманда — 2008» не было роўных футбольнаму клубу БАТЭ. Барысаўскі клуб набраў 71 бал. Другой названа жаночая зборная па баскетболе (45), трэцяе месца ў зборнай па мастацкай гімнастыцы (17).
У сёлетнім плебісцыце «Спортивной панорамы» бралі ўдзел 136 спартовых журналістаў, якія павінны былі назваць дзесятку найлепшых і адну каманду.
Цяпер чытаюць
Што расказваў Статкевіч суседзям у ноч перад выездам на мяжу14
Каментары