Пры пажары на двух суднах у раёне Керчанскага праліва загінулі сама меней 10 чалавек.
З вады дасталі 14 жывых людзей.
Відавочцы паведамілі мясцоваму выданню Керчь.FM, што сярод выратаваных — грамадзяне Турцыі і Індыі. У пошуку людзей задзейнічаны каля 17 судоў.
Пошукава-выратавальная аперацыя ўскладнена моцным цячэннем у раёне катастрофы.
21 студзеня ў раёне Керчанскага праліва загарэліся два судны «Кандзі» і «Маэстра» пад сцягам Танзаніі. «Маэстра», па папярэдніх звестках, з'яўляецца газавозам.
Папярэдня версія здарэння: на борце Маэстра адбыўся выбух з узгараннем. Затым агонь перакінуўся на іншае судна. Члены экіпажа эвакуіраваліся ў мора.
Каментары