Для таго каб пакончыць з прыпыненнем працы ўрада ў ЗША (шатдаўнам), трэба пазбавіць кангрэсменаў заробку на гэты час. Такую прапанову высунуў інвестар-мільярдэр Біл Экман у сваім твітары.
Why should members of the Congress be paid while workers for the Federal government go unpaid? If we fixed this inequity, we would no longer have government shutdowns.
«Чаму членам кангрэса плацяць, а работнікам федэральнага ўрада не плацяць? Калі б мы выправілі гэту няроўнасць, у нас больш не было б шатдаўну», — напісаў Экман.
Прадпрымальнік, актывы якога, па ацэнцы Forbes, складаюць $1,1 млрд, рэдка выказваецца ў сацыяльных сетках: за час стварэння сваёй старонкі ў твітары ў чэрвені 2017 года ён апублікаваў паведамленні або рэтвітнуў усяго 15 разоў, адзначае Bloomberg.
Частковае прыпыненне работы ўрада ЗША — шатдаўн — працягваецца з 22 снежня. Цяперашні шатдаўн ўжо стаў рэкордным па працягласці. Кангрэсмэны не змаглі дамовіцца аб бюджэце, у прыватнасці — каштарысе будаўніцтва сцяны на мяжы з Мексікай. Трамп дамагаецца выдзялення $ 5,7 млрд на гэта будаўніцтва, дэмакраты выступаюць супраць.
-
Расійская альпіністка, якая тыдзень была на вышыні 7000 метраў са зламанай нагой і без ежы, загінула
-
Два гады таму ЗША прыслалі самалёт і забралі ў дыктатара Нікарагуа 222 палітвязняў. Што з імі адбывалася далей?
-
Трамп даў Пуціну яшчэ два тыдні і дапусціў, што запросіць яго на чэмпіянат свету па футболе
Каментары