Працы закрануць Старавіленскі тракт і трамвайнае кальцо на ім.
Пра змены ў дарожнай сетцы сталіцы ў інтэрв'ю выданню «Мінск-Навіны» расказаў дырэктар «Гардарбуда» Сяргей Панёў.
«Даўгінаўскі тракт працягнуць да праспекта Машэрава. Праект будзе рэалізаваны ў тры этапы: вынас трамвайных пуцей са стварэннем часовага разваротнага кольца, пашырэнне ўчастка па наяўных трамвайных пуцях, а потым ужо фінальны ўчастак — гэта само скрыжаванне вуліцы Арлоўскай з Даўгінаўскім трактам. Будзе праводзіцца знос як прыватнай забудовы, так і адміністрацыйных будынкаў», — патлумачыў Панёў.
Па словах дырэктара, праектная дакументацыя мае высокую ступень гатоўнасці. Мяркуецца, што да канца 2025 года з’явіцца яе канчатковая версія.
Да першай і другой чаргі павінны прыступіць ужо ў верасні-кастрычніку 2025 года, а зносам і вызваленнем тэрыторыі для працягу Даўгінаўскага тракта зоймуцца ў пачатку 2026 года.
Мяркуючы па новым генплане Мінска, вынесеным цяпер на абмеркаванне, пасажырапаток з галоўнай і фактычна адзінай магістралі на поўначы сталіцы, якая інтэнсіўна абрастае новымі жылымі раёнамі, плануюць перанакіраваць на рэканструяваны і пашыраны Старавіленскі тракт, што злучаецца з праспектам Машэрава.
Сёння працягам Даўгінаўскага тракта з’яўляецца вуліца Чарвякова, якая праходзіць праз кварталы капітальнай забудовы розных перыядаў і таму ў некаторых месцах занадта вузкая, каб быць пашыранай. Акрамя таго, яна не даходзіць да праспекта Машэрава, упіраючыся ў вуліцу Веры Харужай, што стварае праблемы для транспарту.
Каментары
или мышкой прямо в Paint.