Жыхар Оршы ў Горацкім раёне паспрабаваў скрасці машыну, каб вярнуцца на ёй дадому. А калі ў яго не атрымалася, скраў іншую
Арыгінальнае злачынства ўчыніў 22 студзеня 29-гадовы жыхар Оршы. Мужчына быў у гасцях у вёсцы Харкаўка Горацкага раёна. Сабраўшыся дадому, ён раптам зразумеў, што жадае ехаць у родны горад на аўто. Праўда, аўто ў яго не было. Але аршанец ужо быў раней судзімы за крадзяжы і нядрэнна ведаў, як адкрыць і завесці чужую машыну.
Спачатку злодзей паспрабаваў прысвоіць «Аўдзі» і нават паспеў запусціць матор. Аднак у гэты момант у суседнім доме загарэлася святло, і мужчына, вырашыўшы не рызыкаваць, кінуў машыну.
Праз дзве гадзіны, дабраўшыся да суседняга аграгарадка Сава, аршанец знайшоў мікрааўтобус «Форд-Транзіт», чамусьці з незамкнутымі дзвярыма і ключом у замку запальвання. На гэтым аўтамабілі злодзей і дабраўся да Воршы.
Раніцай бестурботны гаспадар пабачыў, што яго аўтамабіль нехта забраў, і звярнуўся ў міліцыю. За справу ўзяліся АУС раёнаў Магілёўскай і Віцебскай вобласці, і ўжо ў 8:45 раніцы злодзея ў Оршы затрымалі супрацоўнікі мясцовага АДАІ.
Завялі крымінальную справу па артыкуле «выкраданне транспартнага сродку».
Дык усё ж ці бяспечны Telegram і для якіх мэтаў бяспечны? Вось што ясна на сёння4
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары