Žychar Oršy ŭ Horackim rajonie pasprabavaŭ skraści mašynu, kab viarnucca na joj dadomu. A kali ŭ jaho nie atrymałasia, skraŭ inšuju
Aryhinalnaje złačynstva ŭčyniŭ 22 studzienia 29-hadovy žychar Oršy. Mužčyna byŭ u haściach u vioscy Charkaŭka Horackaha rajona. Sabraŭšysia dadomu, jon raptam zrazumieŭ, što žadaje jechać u rodny horad na aŭto. Praŭda, aŭto ŭ jaho nie było. Ale aršaniec užo byŭ raniej sudzimy za kradziažy i niadrenna viedaŭ, jak adkryć i zavieści čužuju mašynu.
Spačatku złodziej pasprabavaŭ prysvoić «Aŭdzi» i navat paśpieŭ zapuścić mator. Adnak u hety momant u susiednim domie zaharełasia śviatło, i mužčyna, vyrašyŭšy nie ryzykavać, kinuŭ mašynu.
Praź dźvie hadziny, dabraŭšysia da susiedniaha ahraharadka Sava, aršaniec znajšoŭ mikraaŭtobus «Ford-Tranzit», čamuści ź niezamknutymi dźviaryma i klučom u zamku zapalvańnia. Na hetym aŭtamabili złodziej i dabraŭsia da Voršy.
Ranicaj biesturbotny haspadar pabačyŭ, što jaho aŭtamabil niechta zabraŭ, i źviarnuŭsia ŭ milicyju. Za spravu ŭzialisia AUS rajonaŭ Mahiloŭskaj i Viciebskaj vobłaści, i ŭžo ŭ 8:45 ranicy złodzieja ŭ Oršy zatrymali supracoŭniki miascovaha ADAI.
Zaviali kryminalnuju spravu pa artykule «vykradańnie transpartnaha srodku».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?10
Kamientary