На Гомельшчыне пачынаюць эксперымент па вырошчванні кавуноў
У сувязі са зменамі клімату, якія адбыліся ў апошнія дзесяцігоддзі, у Гомельскай вобласці стала магчымым вырошчванне такой цеплалюбівай і засухаўстойлівай культуры, як кавун.
Грамадская арганізацыя «Беларускі зялёны крыж» пад навуковым кіраўніцтвам РУП «Інстытут агародніцтва» і УА «Гомельскі дзяржаўны абласны эколага-біялагічны цэнтр дзяцей і моладзі» ў рамках праекта «Школьны сад» праводзіць эксперымент па вырошчванні кавуноў. Мэта эксперыменту — правесці параўнальнае вывучэнне трох сартоў кавуна і выявіць найбольш ураджайныя для гэтага рэгіёну. Удзельнікамі эксперыменту будуць сельскія школы і эколага-біялагічныя цэнтры Гомельскай вобласці.
Школы, на базе якіх будзе праводзіцца эксперымент, выступяць у якасці адукацыйных цэнтраў, дзе школьнікі і мясцовае насельніцтва змогуць атрымаць сучасныя веды па агратэхніцы вырошчвання кавуноў з улікам кліматычных змен.
На працягу ўсяго перыяду правядзення эксперыменту яго ўдзельнікі змогуць атрымліваць кансультацыі спецыялістаў па агратэхніцы вырошчвання кавуноў. Усе каманды будуць фіксаваць вынікі вопыту ў сваіх дзённіках у адпаведнасці з распрацаванай метадычнай схемай, і акрамя таго, інфармацыя пра яго ход будзе размяшчацца на спецыяльнай інтэрнэт-платформе.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары