У рэдактара «СБ» Дзмітрыя Жука вельмі дрэнна з геаграфіяй — ён нават блытае Астану і Алматы
У чарговым выпуску «Клуба рэдактараў» кіраўнікі дзяржаўных СМІ шмат часу прысвяцілі сыходу Нурсултана Назарбаева з пасады прэзідэнта Казахстана.
Адрэагавалі і на публікацыю «Нашай Нівы» на гэтую тэму.
«Сталіцу краіны Назарбаеў перанёс з Алматы ў Астану — каб казахі масава перасяляліся на поўнач, каб знікла небяспека адарвання паўночных тэрыторый і іх далучэння да Расіі. Пра такую магчымасць на пачатку кіравання Назарбаева гаварылі, цяпер мала хто ўспамінае», — гаварылася ў артыкуле.
За гады кіравання Назарбаева доля казахаў вырасла з 40% да 68%
Галоўны рэдактар «СБ. Беларусь сёння» Дзмітрый Жук вырашыў абвергнуць гэтыя сцверджанні, але гэта была не вельмі добрая ідэя — у трох фразах ён памыліўся тройчы.
«Гэта для тых, хто не вучыў геаграфію. Астана нашмат больш паўднёвая за Алматы. І трэба яшчэ разумець, што ад Астаны на поўнач столькі ж, колькі ад Алматы да Астаны. Па сутнасці, дзе знаходзіцца Астана — гэта геаграфічны цэнтр, — патлумачыў усім прысутным Жук. — …А вы на гэтай крыніцы [«Нашай Ніве»] штосьці добрае ўвогуле чыталі? Яны нават самі пра сябе пішуць негатыўна».
«Наша Ніва» робіць свой унёсак у адукацыю Дзмітрыя Жука і спецыяльна для яго публікуе карту Казахстана. Яна даступная праз сэрвіс Гугл.Карты.
Па-першае, варта запомніць, што старая сталіца, Алматы, знаходзіцца на самым поўдні Казахстана, на мяжы з Кыргызстанам. На поўначы знаходзіцца Астана.
Па-другое, аказваецца, паміж Алматы і Астаной па аўтадарозе 1212 кіламетраў. А ад Астаны да мяжы з Расіяй — 565 кіламетраў, удвая менш.
Нарэшце, ад Астаны да геаграфічнага цэнтра Казахстана больш за 550 кіламетраў. Геаграфічны цэнтр знаходзіцца ў цэнтры краіны, а не на поўначы.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас18
Каментары