У Беларусі банкі пачалі ўводзіць абмежаванні на зняцце гатоўкі без камісіі ў банкаматах. Але з-за рэзанансу Белінвестбанк перагледзеў ліміты ў бок павелічэння. Акрамя таго, банк адмяніў камісію за зняцце наяўных з карткі ў касах, піша Tut.by.
Нагадаем, анансавалася, што з 2 мая без камісіі максімальная сума для зняцця наяўных у банкаматах Белінвестбанка і партнёраў банка будзе складаць 500 рублёў у суткі, а ў месяц — 1500 рублёў. Калі картка адкрыта ў далярах, еўра або расійскіх рублях, то сутачныя ліміты па зняцці наяўных без камісіі ў банкаматах планавалася ўвесці на ўзроўні 200 USD/EUR або 15 000 RUB адпаведна, а месячныя — 600 USD/EUR, 45 000 RUB адпаведна.
Але сёння банк перагледзеў ліміты ў бок павелічэння. Сутачныя ліміты адмянілі, а месячныя паднялі да 5000 рублёў, 2500 даляраў, 2500 еўра і 150 тысяч расійскіх рублёў.
У выпадку перавышэння будзе спаганяцца камісія ў 0,5% ад сумы (мінімум 2 беларускія рублі, 3 даляры ці еўра, 200 расійскіх рублёў). Плата будзе спаганяцца ў валюце, у якой адкрыты рахунак.
Планавалася, што з 2 мая будзе ўведзена камісія за зняцце наяўных па картцы ў касах банка — 0,5% ад сумы (мінімум 50 капеек, 1 даляр ці еўра, 30 расійскіх рублёў). Але сёння банк прыняў рашэнне не ўводзіць гэтую камісію.
А вось камісію за прагляд балансу ў банкаматах і інфакіёсках, пачынаючы з 4 раза на месяц, банк не стаў адмяняць.
З чацвёртага прагляду балансу ў месяц прыйдзецца плаціць. Калі глядзець баланс у прыладах Белінвестбанка, то трэба будзе ўносіць 25 капеек, 0,15 даляра ці еўра або 10 расійскіх рублёў. Не прыйдзецца плаціць камісію толькі ўладальнікам картак Visa Infinite.
Пры праглядзе балансу ў прыладах іншых банкаў камісія будзе яшчэ вышэйшай. Напрыклад, калі гэта будуць банкаматы не банкаў-партнёраў, то камісія складзе 3,25 беларускіх рубля, 1,6 даляра ці еўра або 100 расійскіх рублёў (за кожны прагляд балансу пачынаючы з 4 раза на месяц).
Каментары