Прапрацоўваецца пытанне арганізацыі рэйсаў венгерскай бюджэтнай авіякампаніі Wizz Air з аэрапорта ў Гродне. Пра гэта сёння ў час сустрэчы са старшынёй аблвыканкама Уладзімірам Краўцовым паведаміў пасол Венгрыі Жолт Чутора, перадае БелТА.
Пасол упершыню наведаў Гродзенскі рэгіён. Ён адзначыў, што ў цэнтры яго ўвагі ўсе магчымасці для развіцця двухбаковых адносін — супрацоўніцтва ў сферы эканомікі, прамысловасці, гандлю, культуры і турызму.
«Ёсць і канкрэтныя планы. Напрыклад, зараз вядуцца перамовы аб арганізацыі з Гродзенскага аэрапорта рэйсаў венгерскай авіякампаніі Wizz Air. Мы бачым, што гэта выклікае ўзаемную цікавасць», — адзначыў Жолт Чутора. Ён падкрэсліў, што Гродна можа стаць прывабным напрамкам для турызму.
«Тым больш у нас ёсць і агульныя старонкі ў гісторыі. Гаворка перш за ўсё пра караля Рэчы Паспалітай Стэфана Баторыя, які быў значнай гістарычнай фігурай і для Венгрыі.
Зараз у Гродне аднаўляецца каралеўскі замак, ёсць яго рэзідэнцыі і ў нашай краіне. Такія сувязі маглі б стаць адпраўным пунктам у наладжванні супрацоўніцтва», — сказаў Жолт Чутора. Венгерскі бок гатовы паўдзельнічаць у рэканструкцыі замка.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары