Карціну былога прэзідэнта ПАР Нэльсана Мандэлы, дзе намаляваныя дзверы яго турэмнай камеры на востраве Робен, прадалі ў ЗША за $ 112 тысяч. Таргі адбыліся ў Нью-Ёрку, паведамляецца на сайце брытанскага аўкцыённага дома Bonhams.
#SaleUpdate: "The Cell Door, Robben Island" by #NelsonMandela, sold for $112,575 inc. premium in today's Modern and Contemporary African Art in NY. The work, which Mandela created in 2002, was one of the few the statesman kept for his personal collection https://t.co/1fBKM8AUcJ pic.twitter.com/fUv17HXgPd
Карціну на таргі выставіла дачка Мандэлы — Пумла Маказіва. Яна распавяла, што пасля сыходу з пасады прэзідэнта яе бацька не мог знайсці, чым сябе заняць.
«Я думаю, для яго мастацтва было выдатным спосабам самавыяўлення або спробай прымірыцца з яго гісторыяй… Усім яго жыццём», — сказала яна.
Нэльсан Мандэла адбываў пакаранне ў турме з 1964 па 1982 год па абвінавачванні ў планаванні партызанскай вайны супраць рэжыму апартэіду. Камера, у якой Мандэла правёў 18 гадоў, стала славутасцю, і яе наведвалі лідары многіх краін, у тым ліку былыя прэзідэнты ЗША — Біл Клінтан і Барак Абама, паведамляе РБК.
Каментары