Новаабраны прэзідэнт Украіны Уладзімір Зяленскі у Дзень памяці і прымірэння, які Украіна адзначае 8 мая, пажадаў украінцам міру і адзінства.
Пра гэта ён напісаў на сваёй старонцы ў фэйсбуку, апублікаваўшы фатаграфію, на якой стаіць з сувязной Украінскай паўстанцкай арміі і капітанам марской пяхоты ВМФ СССР.
«Іван Анікеевіч Залужны. 10 мая яму споўніцца 101 год. Капітан першага рангу марской пяхоты ВМФ СССР, удзельнік Другой сусветнай вайны. Узнагароджаны шматлікімі ордэнамі і медалямі. Страціў адзінага ўнука — Івана Гутніка-Залужнага — падчас вайны ў Данбасе», — расказаў Зяленскі аб мужчыне.
«Праскоўя Васілеўна Зелянчук-Пацяк. У 13 гадоў стала сувязной у УПА. Перадавала інфармацыю, правіянт, вязала швэдры», — дадаў ён.
Зяленскі напісаў, што ў Дзень памяці і прымірэння мы шануем усіх і схіляемся перад усімі, хто змагаўся супраць нацызму і загінуў за Украіну ў гады Другой сусветнай вайны.
«Перад кожным, хто аддаў сваё жыццё дзеля міру. Міру, які сёння так трэба Украіне. Міру, зарукай якога стане адзінства ўсіх украінцаў», — дадаў ён.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары