Прадстаўнікі «Белнафтахіма» і Мінэнерга Расіі ўвойдуць у рабочую групу па ацэнцы страт ад забруджанай нафты і спосабаў іх кампенсацыі, паведаміў журналістам віцэ-прэм'ер Расіі Дзмітрый Козак па выніках сустрэчы з беларускім калегам Ігарам Ляшэнкам, піша ТАСС.
Па кампенсацыі шкоды беларускім НПЗ ёсць шмат розных пытанняў, дадаў Козак. «Усе гэтыя пытанні няхай спецыялісты палічаць — што ёсць рэальная шкода, а што папяровая. Тэхнічныя спецыялісты павінны яшчэ вызначыць прычынна-выніковыя сувязі. Гэта такое пытанне, ад чаго зламаўся — ад гэтай нафты або ад натуральнага зносу. Гэта няпростае пытанне, адразу на яго адказаць немагчыма», — сказаў ён.
Віцэ-прэм'ер адзначыў, што Расія і Беларусь вядуць канструктыўную працу па ацэнцы страт ад забруджанай нафты. «У нас няма ніякіх супярэчнасцяў з пункту гледжання таго, што кампенсацыя павінна быць з расійскага боку, але яе рэальна палічыць. Калегі дамовіліся, рабочая група спецыяльна палічыць не толькі фактычны памер страты, але і спосабы кампенсацыі, таму што яны могуць быць рознымі. І прапановы, пакуль не скончана ўся гэтая праца па мінімізацыі гэтых страт, — яны сумесныя, таму тут у нас поўнае разуменне і вельмі канструктыўная праца. Але назваць памер кампенсацыі, парадак лічбаў дакладна не зможам», — сказаў Козак.
Паводле яго слоў, цяпер падлік кампенсацый для бакоў не прыярытэт, бо ў першую чаргу неабходна ліквідаваць наступствы.
Віцэ-прэм'ер Беларусі Ігар Ляшэнка у сваю чаргу адзначыў: «Што такое шкода НПЗ? НПЗ устане на капрамонт, калі ў яго там графік. У ходзе рамонту ўскрыюць нешта, паглядзяць. Гэта ўсё часовыя пытанні. Нам трэба час, добры стук заўсёды пакажа. Вось вы ўзялі дзядуляў стары масквіч ці «Победу» і гоніце на Санкт-Пецярбург. Як вы думаеце, што вылезе? Вы ж не ведаеце».
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка16
Каментары