Расійская настаўніца прымусіла першакласнікаў па чарзе пісаць грубае слова на дошцы
У Екацярынбургу настаўніца ліцэя імя Дзягілева прымусіла першакласнікаў па чарзе пісаць на дошцы слова «ж**а», каб вылічыць почырк вучня, які напісаў гэтае слова на парце. Пра гэта паведамляе рэгіянальнае выданне «Е1».
«Там вучацца творчыя дзеці, якія, магчыма, нават такога слова ў сям'і не чулі, а ў адукацыйнай установе прымусілі яго прапісаць!» — абураліся бацькі першакласнікаў.
Бацькі напісалі ў дэпартамент адукацыі скаргу на настаўніцу і школьнага псіхолага, якая, па словах дырэктара ліцэя Андрэя Кадачнікава, уключылася ў сітуацыю, каб спыніць «дазнанне». Ім вынеслі дысцыплінарныя спагнанні і правялі гутарку пра выкананне этычных нормаў.
Дырэктар ліцэя Кадачнікаў адзначыў, што настаўніца, якая прымусіла дзяцей пісаць на дошцы слова «ж**а», працуе ў школе год. «Настаўніцы аб'явілі вымову, разглядаецца пытанне аб яе прафесійнай адпаведнасці. Я папрасіў у бацькоў прабачэння», — заявіў ён.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Каментары