Жанчына памылкова падумала, што яе хочуць згвалціць. Ёй прыйшоў на дапамогу мужчына, і тут пачалося…
33-гадовы жыхар Смаргоні 19 чэрвеня з чатырма жанчынамі адправіўся на вуліцу Кірава ў райцэнтры да ракі, каб адзначыць з алкаголем паспяховую здачу выніковага экзамену ў каледжы. Усё скончылася панажоўшчынай, паведамляе міліцыя.
Прабыўшы некалькі гадзін на прыродзе, тры дамы з'ехалі дадому на таксі, а вось чацвёртая засталася, бо заснула. На палянцы таксама застаўся і адзіны ў кампаніі 33-х гадовы мужчына.
Праз гадзіну ён вырашыў, што трэба ехаць дадому і пачаў будзіць сяброўку. Спачатку нічога не атрымлівалася, але калі ён прыўзняў жанчыну, тая раптам прыйшла ў сябе і пад уздзеяннем алкаголю, не разабраўшыся ў сітуацыі, падумала, што яе спрабуюць згвалтаваць.
46-гадовая жанчына стала крычаць, клікала на дапамогу. У гэты час міма праязджаў на ровары 57-гадовы жыхар Смаргоні. Пачуўшы крыкі жанчыны, і ўбачыўшы побач мужчыну, веласіпедыст паспрабаваў умяшацца ў сітуацыю.
Мужчына, які спрабаваў падняць жанчыну, стаў тлумачыць веласіпедысту, што ён не гвалтаўнік, а пасля дастаў з кішэні сцізорык і нанёс ім чатыры ўдары ў вобласць жывата і грудзі апанента. Жанчына адразу ж выклікала міліцыю.
Мужчына, які нанёс раненні, спалохаўся, схаваў нож і стаў распавядаць міліцыянерам, што траўміраваў чалавека зламыснік, які з'явіўся з кустоў, а пазней гэты невядомы хацеў напасці і на яго самога.
Завялі крымінальную справу па артыкуле «Наўмыснае прычыненне цяжкага цялеснага пашкоджання».
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6565
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне65
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары