Залева ў Мінску: паплылі Сухарава, Малінаўка, «Дынама», вецер сарваў білборд на МКАД
Увечары 26 чэрвеня ў Мінску прайшоў моцны дождж з навальніцай. Падчас непагадзі вецер сарваў адзін з банэраў, які размешчаны на МКАД у раёне ЦЭЦ-4. Расцяжку знесла на праезную частку.
Чытачы TUT.BY даслалі фотаздымкі з кальцавой дарогі.
На адной з іх відаць, што банер зачапіў адзін з аўтамабіляў на дарозе. Невядома, ці пацярпеў хтосьці ў выніку інцыдэнту.
Наделала тучка делов...@nadvorie @OnlinerBY @tutby pic.twitter.com/drmFxfcx6o
Паведамляецца таксама пра падтапленні ў некаторых раёнах горада. Так, напрыклад, было на скрыжаванні вуліц Нёманскай і Казіміраўскай, а таксама ў раёне плошчы Бангалор і вуліцы Маякоўскага, у Зялёным Лузе, у мікрараёне Сухарава і на Ангарскай. Заліло і стадыён «Дынама», дзе быў запланаваны забег на 100 метраў з бар'ерамі.
На сераду і чацвер абвешчаны аранжавы ўзровень небяспекі з-за спякоты і навальніц.
Каментары