У Скідзелі хлопец вырашыў пакатацца на даху аўтамабіля і зваліўся
Здарэнне адбылося 13 жніўня, паведамляе ДАІ Гродзенскай вобласці.
23-гадовы хлопец пазнаёміўся з кампаніяй, яны сталі выпіваць. Праз дзве гадзіны адзін з новых сяброў вырашыў пакатацца на аўтамабілі, і наш 23-гадовы хлопец з яшчэ адным з кампаніі залезлі на дах аўто. У нейкі момант кіроўца рэзка пачаў рух і «пасажыр» з даху ўпаў. Далей аўтамабіль пачаў здаваць заднім ходам і праехаў па ступні таго ж чалавека.
Што адбывалася далей, хлопец памятае цьмяна. Толькі кажа, што ў нейкі момант ён апынуўся каля школы, адкуль на таксі адправіўся ў Гродна да сястры. Па прыездзе ён адчуў моцны боль у вобласці спіны і далей звярнуўся ў «хуткую дапамогу». Там яму паставілі дыягназ «гематома паяснічна-крастцовай вобласці і зрушэнне пазванкоў», пасля чаго шпіталізавалі.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары