Японская студэнтка атрымала найвышэйшы бал за твор, напісаны нябачнымі чарніламі, піша BBC.
19-гадовая Эймі Хага, першакурсніца гістарычнага факультэта Універсітэта Міэ, якая вывучае гісторыю ніндзя, павінна была напісаць эсэ пра наведванне Музея ніндзя ў Іга-Уэна. Аднак замест сачынення яна здала выкладчыку чысты аркуш паперы.
Насамрэч гэта быў твор, напісаны з выкарыстаннем тэхнікі «абурыдасі» — пісьма нябачнымі чарніламі. Такой тэхнікай карысталіся ніндзя — для перадачы таемных лістоў і пасланняў.
Існуе вялікая колькасць рэцэптаў для вырабу нябачных чарнілаў. Эймі Хага прыгатавала чарніла па старажытным рэцэпце, які выкарыстоўваўся ў часы ніндзя — з соевых бабоў.
Для таго, каб прачытаць пасланне, напісанае ў такой тэхніцы, неабходна нагрэць паперу, патрымаўшы яе над агнём.
Прыгатаванне чарнілаў заняло 10 гадзін.
Пасля таго, як чарнілы былі гатовыя, Хага прынялася за напісанне сачынення — з дапамогай пэндзля, на традыцыйнай японскай паперы «васі».
Каб быць упэўненай у тым, што яе сачыненне не адправіцца ў сметнік, Хага пакінула на палях — ужо звычайнымі чарніламі — паметку: «нагрэць паперу».
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары