Суседзі — Польшча і Расія — выйшлі на Еўра-2020. На падыходзе Украіна
Зборныя Расіі і Польшчы за два туры да фінішу выйшлі на чэмпіянат Еўропы па футболе, што ў наступным годзе пройдзе адразу ў 12 краінах.
Усходнія суседзі разграмілі ў гасцях Кіпр 5:0 і разам з бельгійцамі прабіліся на кантыненталь.
Бельгія — 24, Расія — 21, Кіпр — 11, Шатландыя — 9, Казахстан — 7, Сан-Марына — 0.
А заходнія суседзі сёння перамаглі Паўночную Македонію — 2:0 і таксама выйшлі на ЧЕ.
Польшча — 19, Аўстрыя — 16, Паўночная Македонія — 11, Славенія — 11, Ізраіль — 8, Латвія — 0.
У панядзелак пуцёўку можа заваяваць Украіна, якой у двух матчах з Партугаліяй і Сербіяй трэба набраць адно ачко. Матч з Партугаліяй — 14 кастрычніка.
У іншых суседзяў — Літвы і Латвіі — усё кепска. У літоўцаў адзін бал у шасці гульняў. У Латвіі — нуль у сямі. У 2004-м Латвія гуляла на чэмпіянаце Еўропы.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары