Кіроўца, што збіў пяцёх дзяцей, атрымаў сем гадоў пазбаўлення волі
Ён збіраецца абскардзіць прысуд
Вадзіцель, які збіў у кастрычніку 2008 года ў горадзе Ветка пецярых дзяцей, абскардзіць у Гомельскім абласным судзе прызначанае пакаранне.
Як паведамілі БелаПАН у судзе Веткаўскага раёна, 30 студзеня 34‑гадовы мужчына быў прыгавораны да 7 гадоў пазбаўлення волі. Ён абвінавачваўся па ч. 3 арт. 317 КК (парушэнне правілаў дарожнага руху або эксплуатацыі транспартных сродкаў, калі мела месца па неасцярожнасці смерць двух або больш асоб), а таксама па ч. 3 арт. 159 (заведамае пакіданне ў небяспецы).
У абласным судзе разгляд касацыйнай скаргі прызначаны на 11 сакавіка.
Нагадаем, 5 кастрычніка прыкладна апоўначы ў Ветцы
п’яны вадзіцель на неасветленым участку дарогі збіў чатырох хлопчыкаў 10, 12, 13 і 15 гадоў і 14‑гадовую дзяўчынку.Дзеці вярталіся дадому пасля канцэрта і салюту ў гонар Дня горада.
Вадзіцель уцёк з месца здарэння і не паведаміў аб ДТЗ у міліцыю або хуткую дапамогу. Дзяцей знайшлі прахожыя, усе яны былі дастаўлены ў бальніцу з цяжкімі траўмамі.
У раённым судзе адзначылі, што абвінавачаны паводзіў сябе абуральна, сваю віну прызнаваў часткова. Ён адмаўляў, што ў момант ДТЗ знаходзіўся ў стане алкагольнага ап’янення, сцвярджаў, што выпіў пасля здарэння. Вадзіцель быў затрыманы на працягу гадзіны пасля наезду на дзяцей, на месцы ДТЗ застаўся нумарны знак яго аўтамабіля. У крыві абвінавачанага было знойдзена 2,6 праміле алкаголю. Толькі ў апошнім слове мужчына раскаяўся і папрасіў прабачэння ў пацярпелых і іх сваякоў.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары