Жыхары Гродна прывезлі на магілу ў Вільню зямлю з радзімы Каліноўскага
Каля пахавання паўстанцаў сімвалічна высыпалі зямлю з радзімы Кастуся Каліноўскага — Мастаўлянаў. А таксама з магілы Францішка Канаплянскага, які быў намеснікам Кастуся Каліноўскага, з вёскі Забор’е Шаркаўшчынскага раёна, піша Hrodna.life.
Мясцовыя актывісты прывезлі зямлю ў Вільню, а гродзенцы з кампаніі #Каліноўскі2019 сімвалічна яе высыпалі каля капліцы на могілках Росы, дзе былі пахаваныя Кастусь Каліноўскі і яго паплечнікі.
— Гэта такія хрысціянскія сімвалы: зямля з месца, дзе нехта нарадзіўся ці зямля, дзе спачываюць родзічы, — кажуць актывісты.
Як піша «Рэгіянальная газета», мясцовыя актывісты таксама пакінулі зямлю з магіл паўстанцаў з Вілейшчыны і Мядзельшчыны.
Каментары