Прэзідэнт Украіны Уладзімір Зяленскі кажа, што пачуў папярэджанне Літвы адносна Беларускай АЭС (БелАЭС), аднак пакуль не каментуе, ці будзе яго краіна далей купляць электраэнергію з Беларусі, піша Delfi.
Пасля сустрэчы з прэзідэнтам Літвы Гітанасам Наўседам украінскі лідар сказаў, што абмяркуе гэтае пытанне з міністрам энергетыкі Украіны. «Я сказаў, што пачуў гэты сігнал. Я сказаў, што я абавязкова сяду з міністрам энергетыкі (…), і мы абмяркуем гэтае пытанне», — сказаў Зяленскі журналістам.
«Усё, што для вас важна і што тычыцца пытанняў бяспекі, важна і для ўкраінцаў», — дадаў ён.
Па словах Зяленскага, беларуская электраэнергія — гэта адзін са спосабаў барацьбы з энергетычнымі манапалістамі ў самой Украіне. Наўседа сцвярджаў, што не імкнуўся пераканаць Украіну не купляць беларускую электраэнергію, але распавёў пра пазіцыю Літвы.
«Культура будаўніцтва на гэтай станцыі, ну, зусім нездавальняючая, гэта мякка кажучы», — адзначыў прэзідэнт Літвы. Паводле яго слоў, ажыццявіць патрабаванні бяспекі на БелАЭС да ўводу яе ў эксплуатацыю заклікае не толькі Літва, але і ўвесь Еўрасаюз.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?10
Каментары