У Рагачове 18-гадовы хлопец у цёмных месцах нападаў з нажом на жанчын
Інцыдэнт адбыўся ў вячэрні час. У дрэнна асветленым месцы хлопец прыставіў нож да жанчыны. Баючыся расправы, яна прапанавала яму грошы і тэлефон, толькі б не чапаў. Хлопец адмовіўся, працягваў утрымліваць яе, дама клікала на дапамогу, піша sb.by.
Яе пачулі дзве старшакласніцы і накіраваліся да месца інцыдэнту. З'яўленне новых людзей спалохала зламысніка, ён адпусціў сваю ахвяру і кінуўся прэч. Праз некаторы час аналагічным чынам ён павёў сябе з іншай жанчынай, якая таксама спалохалася і прасіла нічога дрэннага з ёй не рабіць. Ад магчымага прымянення нажа яе выратаваў аўтамабіль. Святло фар ярка асвятліла здарэнне, хуліган адступіў і ўцёк у цемру.
Міліцыя неўзабаве выехала на месца здарэння і затрымала хлопца. Той быў абсалютна п'яны. Калі працверазеў, заявіў, што нічога не памятае.
- У дачыненні да 18-гадовага маладога чалавека заведзена крымінальная справа па артыкуле за злоснае хуліганства, ён арыштаваны.
Дарэчы, у следчым падраздзяленні спрабуюць высветліць асобы смелых юных дзяўчат, якія, магчыма, дапамаглі жанчыне пазбегнуць цяжкіх наступстваў ад сустрэчы з п'яным хуліганам і засцераглі іншых. Раней фігурант ужо меў праблемы з праваахоўнымі органамі.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары