Самы шуканы Гаагскім трыбуналам ваенны злачынца, былы камандуючы арміяй баснійскіх сербаў Ратка Младзіч гадамі не выходзіць са свайго сховішча ў адным са шматпавярховікаў Бялграда.
Пра гэта сёння піша бялградская газета Press са спасылкай на крыніцу, блізкую да сербскіх спецслужбаў.
Ён цалкам спыніў сувязі з вонкавым светам, не камунікуецца з сям’ёй ці сябрамі. Ёсць толькі адзін чалавек, які ведае, дзе Младзіч. Той яму калі‑нікалі, раз на сем‑дзесяць дзён, прыносіць ежу ці медыкаменты.
Міжнародны трыбунал для былой Югаславіі ў Гаазе шукае Младзіча цягам 13 гадоў па абвінавачанні ў ваенных злачынствах, здзейсненых у Босніі ў сярэдзіне 1990‑х.
За інфармацыю пра месцазнаходжанне Младзіча сербскія ўлады абяцаюць мільён еўра.
Младзіч, найхутчэй, схаваўся ў шчыльна забудаваным шматпавярховікамі раёне Новы Бялград. Дарэчы, экс‑лідэр баснійскіх сербаў Радаван Караджыч таксама жыў у гэтым раёне, пакуль не быў арыштаваны і не адпраўлены ў Гаагу.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў32
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары