Ірына з Вілейкі, якая прасіла ў МНС выратаваць Зяленскага, проста закахалася ў яго
Пра гэта «Нашай Ніве» расказаў сужыцель Ірыны Андрэй.
«Ірыне 36 гадоў, яна мая дзяўчына. Але даўно мне казала, што закахалася ў таго Зяленскага, вось ён і мроіцца ёй паўсюль», — расказвае 43-гадовы Андрэй.
Андрэй распавёў акалічнасці гісторыі са званком ратавальнікам, якая здарылася ўвечары 13 студзеня.
Ірына прыбегла дадому і паведаміла Андрэю, што ў іх падвале знаходзяцца нейкія людзі, сярод якіх і прэзідэнт Украіны Уладзімір Зяленскі.
«Яна збегала ў падвал яшчэ раз, пасля вярнулася і сказала мне, што Зяленскаму блага, а я зразумеў, што блага ёй.
Я патэлефанаваў у міліцыю, каб забралі Ірыну, у гэты ж час чуў, як яна камусьці тэлефануе, расказвае пра Зяленскага. А сёння ў ютубе ўбачыў гэты ролік і зразумеў, куды яна званіла. Некалькі разоў пераслухаў, падумаў: ну што за дурніца! Не, вы не падумайце, яна не благая, і такое з ёй упершыню.
А пасля таго званка Ірына знікла. Яна не з'яўляецца дома з таго самага вечара 13 студзеня. Дзе яе шукаць, не ведаю. Тэлефон мабільны ў яе разбіты, яна нідзе не працуе», — адказаў Андрэй.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары