У пятніцу, 6 сакавіка, пасля доўгай паўзы збіраюцца аднавіць работу аўтавакзала «Усходні». Адкрыццё плануецца на другую палову пятніцы. Пра гэта «Мінск-навінам» паведаміў намеснік гендырэктара Мінсктранса Віктар Тозік.
Будынак стаяў без справы чатыры гады.
«Практычна ўсе асноўныя работы выкананы. Яны зроблены па мінімуме: там не патрабаваўся маштабны рамонт, бо будынак быў закансерваваны і дзе-нідзе патрабаваліся толькі касметычныя работы, — патлумачыў спецыяліст. — Трэба ўлічваць таксама, што пакуль вакзал будзе задзейнічаны толькі на 30%: гэта першы паверх адміністрацыйнага будынка. Набіраецца мінімум службовага персаналу — на пачатковым этапе не больш за 8 чалавек.
Задзейнічаюць усяго тры электронныя табло, бо пакуль сюды будуць прыбываць толькі міжгароднія і міжнародныя аўтобусы «Мінсктранса» магілёўскага напрамку і гарадскія, якія ходзяць у Сосны, Стайкі, Сокал.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас18
Каментары