Прадпрыемствы канцэрна «Беллегпрам» выпусцілі больш за 4,5 млн санітарна-гігіенічных масак, паведамілі БЕЛТА ў прэс-службе «Беллегпрама».
«У суткі выпускаецца каля 300 тыс. медыцынскіх вырабаў, што дазваляе закрыць попыт унутры краіны. Ажыятажнага попыту на маскі ў аптэках няма. Аднак прадпрыемствы «Беллегпрама» вытворчасць медыцынскіх вырабаў не спыняюць, фарміруючы адэкватны стратэгічны запас», — адзначылі ў канцэрне.
У асноўным прадпрыемствы вырабляюць маскі з бавоўны, яны чатырохслаёвыя, шматразовыя, іх можна стэрылізаваць.
Разам з гэтым ААТ «Медлен» наладзіла выпуск аднаразовых масак. Яны трохслаёвыя: вонкавы і ніжні пласты вырабляюцца з нятканага матэрыялу «СпанБел» ААТ «СветлагорскХімвалакно», унутраны пласт — баваўняны матэрыял таксама беларускай вытворчасці ТАА «Медватфарм».
«Міс Беларусь» усё больш нагадвае конкурс прыгажосці ў гарэме23
Каментары