У былым саўгасе Лукашэнкі таксама ёсць сябры БХД
Актывістам Беларускай хрысціянскай дэмакратыі з сельгаспрадпрыемства «Гарадзец» пагражаюць звальненнем з працы за ўдел ва Ўстаноўчым з’ездзе і подпісы пад дакументамі аб заснаванні партыі Беларуская хрысьціянская дэмакратыя. Нагадаем, калісьці саўгасам «Гарадзец» кіраваў цяперашні прэзідэнт краіны Аляксандр Лукашэнка.
Як распавёў прэсавай службе БХД адзін з заснавальнікаў Беларускай хрысьціянскай дэмакратыі Пётр Мігурскі, у Гарадцы зафіксаваны надзвычайны ціск на людзей, што падтрымалі ідэю стварэння хрысьціянскай партыі.
‑ Адной сям’ёй зацікавіўся іх непасрэдны кіраўнік. Ён сказаў, што «мы ведаем: вы прыязджалі на Ўстаноўчы з’езд, нам вядома, што ставілі подпісы пад дакументамі аб заснаванні партыі і г.д.».
Як мяркуе Мігурскі, актывісты БХД, якія працуюць на вёсцы, найбольш залежныя ад ціску ўлады.
Пётр Мігурскі ўпэўнены, што Міністэрству юстыцыі дадзены загад не рэгістраваць партыю Беларуская хрысьціянская дэмакратыя.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары