Мінпрацы апублікавала каментар да ўказа прэзідэнта Беларусі ад 24 красавіка №143 «Аб падтрымцы эканомікі» ў частцы выплаты дапамогі па часовай непрацаздольнасці, паведамляе БЕЛТА.
Пунктам 15 указа прадугледжана выплата дапамогі па часовай непрацаздольнасці асобам, што фактычна ажыццяўляюць догляд дзіцяці да 10 гадоў, якія наведваюць ўстанову дашкольнай або агульнай сярэдняй адукацыі, калі гэта дзіця адносіцца да кантактаў першага або другога ўзроўню пры наяўнасці аднаго або некалькіх рэспіраторных сімптомаў. Прызначацца дапамога будзе ў парадку, устаноўленым Саўмінам для прызначэння дапамогі па часовай непрацаздольнасці ў выпадку догляду хворага дзіцяці ва ўзросце да 14 гадоў (дзіцяці-інваліда ва ўзросце да 18 гадоў).
«Перыяд знаходжання на лістку непрацаздольнасці па гэтым выпадку часовай непрацаздольнасці — да 14 каляндарных дзён, памер аплаты — 100% сярэднядзённага заробку з першага дня знаходжання на лістку непрацаздольнасці», — праінфармавалі ў Мінпрацы.
Раней ўсталёўвалася часовая непрацаздольнасць у сувязі з доглядам дадзенага дзіцяці на тэрмін знаходжання яго ў самаізаляцыі і выдавалася даведка аб часовай непрацаздольнасці, якая служыла дакументам, які пацвярджае вызваленне ад працы, і не падлягала аплаце.
Указ уступіў у сілу 25 красавіка. Дзеянне пункта 15 прызначана да адмысловага рашэння кіраўніка Беларусі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»10
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары