У Стоўбцах пахавалі медсястру, якая працавала ў Мінску з каранавіруснымі хворымі
Тэлеканал «Белсат» на Радаўніцу наведаў гарадскія могілкі ў Стоўбцах, журналісты якраз заспелі пахаванне 61-гадовай Ганны С., якая памерла 24 красавіка. Ганна працавала медсястрой у Менску, у гарадскім клінічным скурна-венералагічным дыспансеры, а жыла ў Стоўбцах.
«Кожны раз пасля змены бралі ў яе мазок, вось так і выявілі дыягназ», — распавядае муж Ганны, Уладзімір С. «Яна была ў ліку тых медработнікаў, якія працавалі з першымі кантактамі».
9 красавіка, па словах Уладзіміра, Ганна трапіла ў рэанімацыю 4-й гарадской клінічнай больніцы.
«Трошкі я пакрыўджаны, вядома. Трэба было яе раней у рэанімацыю класці, але нічога ўжо не вернеш. Прычына смерці — каронакардыясклероз, спадарожныя — каранавірус. COVID-19 у яе пацверджаны, але афіцыйна памерла ад слабога здароўя. Але ж ёй споўнілася б 62 гады ў траўні, у каго ў такім узросце моцнае здароўе?» — задаецца пытаннем Уладзімір.
На пахаванні Ганны С. — толькі чатыры чалавекі, самыя блізкія. Акрамя мужа, дачка з мужам і свякроў. Сын Ганны і Уладзіміра на пахаванне маці прыехаць не змог, ён шпіталізаваны ў больніцу Стоўбцаў, дзе 3 дні таму яму таксама пацвердзілі каранавірус. Узялі аналізы і ў іншых чальцоў сямʼі, але, па словах Уладзіміра, яны адмоўныя.
Ганну пахавалі ў закрытай труне.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары