Качанава: Мы зрабілі абсалютна правільна; жорсткія каранцінныя меры могуць выклікаць другую хвалю каранавіруса
Беларусь не пайшла супраць усіх у барацьбе з каранавірусам, рашэнні былі дакладна вывераныя. Пра гэта старшыня Савета Рэспублікі Наталля Качанава заявіла ў эфіры БТ-1.
«Калі камусьці здаецца, што мы чамусьці вырашылі пайсці супраць усіх, то гэта няправільна. Гэтыя рашэнні абсалютна дакладна вывераныя. Калі прэзідэнту далажылі пра сітуацыю, якая складваецца, як яна можа развівацца (гэта ж пралічваецца, у нас жа ёсць лекары, навукоўцы, інфекцыяністы), то ён адназначна ўбачыў, абсалютна правільна: жыццё не павінна спыняцца», — сказала Наталля Качанава.
Паводле яе слоў, дзяржава заклапочана пытаннямі: што будзе пасля пандэміі, як будуць працаваць сферы эканомікі, на што будуць жыць людзі? «Мы ўбачылі, што гэта рашэнне вельмі няпростае, але жыццё паказала, што яно дакладна і абсалютна выверанае, падлічанае», — заявіла Качанава.
Жорсткія каранцінныя меры могуць выклікаць другую хвалю каранавіруса, лічыць Качанава.
— Тут галоўнае — наяўнасць медыцынскага абсталявання, лекавых прэпаратаў, лекараў і месцаў у бальніцах. А гэта ўсё ў нас ёсць і знаходзіцца на вельмі жорсткім кантролі міністэрства аховы здароўя», — падкрэсліла яна.
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала8
Каментары