У інтэрв'ю выданню РБК Віктар Бабарыка расказаў, якія меры прынятыя яго штабам на выпадак, калі ўлады акажуць максімальнае супраціўленне яго кампаніі.
Фота з фэйсбука Віктара Бабарыкі.
— Вы заўсёды пазбягаеце казаць, што будзе, калі вас арыштуюць ці не зарэгіструюць кандыдатам. Паклічаце прыхільнікаў выходзіць на вуліцы?
— Я вельмі не люблю ўмоўнага ладу. Разважаць аб такіх рэчах можна бясконца доўга. Мы пераканалі і даказалі нашым прыхільнікам, што мы заўсёды ведаем, што рабіць. Людзі нарэшце паверылі, што банкір — гэта чалавек, які разумее, што такое рызыка, што такое сістэма кіраванне рызыкамі. У многіх рэчах мы працуем на апярэджанне. І дакладна разумеем сцэнары. У нас на сёння ўсё гатова да таго, каб нават без мяне дайсці да 9 жніўня. Усё! Мы сёння здалі практычна 100 тысяч подпісаў. Мы да ўсялякага развіцця падзей гатовыя. У мяне запісаныя ўжо звароты…
— Звароты да прыхільнікаў?
— Заявы пра тое, што дзеянні, якія будуць рабіцца без мяне, ухваленыя і ўзгодненыя са мной, каб людзі разумелі, што гэта не рэакцыя на нечаканасць, гэта дакладнае разуменне, што гэты сцэнар пачынае рэалізоўвацца, не хвалюйцеся, мы да гэтага былі гатовыя. Мы на ўдалёнцы прывыклі працаваць, вось лічыце, што, калі што, гэта будзе размова з народам па ўдалёнцы. І ў нас такіх сцэнары ёсць і да 9 жніўня, і далей. Усё ёсць. Што рабіць — мы ведаем. Не гаворым пра гэта мы не таму, што баімся, а таму што пакуль гэта бессэнсоўна.
— Гэта значыць, калі ЦВК вас зарэгіструе, вы ўжо гарантавана будзеце ў бюлетэні, нават калі ў гэты момант будзеце, напрыклад, у СІЗА?
— Паводле закона толькі судзімыя людзі не маюць права балатавацца. Яны будуць павінны пастарацца зрабіць так, каб да 9 жніўня прайшоў суд, але гэта парушэнне ўсіх працэсуальных нормаў. Гэта проста немагчыма.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы72
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары