У Мінску затрымалі 46-гадовага мужчыну, які некалькі тыдняў «зарабляў» крадзяжом туй. Пасля выкрадання ён прадаваў саджанцы на рынку і купляў выпіўку, паведамляе МУС.
У міліцыю звярнуліся мінчукі і прадстаўнік юрыдычнай асобы. Яны паведамілі пра знікненне 42 туй.
Праваахоўнікі высветлілі асобу выкрадальніка. Ім аказаўся 46-гадовы жыхар сталіцы. Вечарам ці раніцай, калі на вуліцах горада было практычна бязлюдна, ён вырываў высаджаныя невялікія туі ў дварах. Пасля прадаваў іх на адным з рынкаў сталіцы па 5 рублёў за штуку. А грошы траціў на ўласныя патрэбы, у асноўным на спіртныя напоі.
Урон склаў больш за 900 рублёў. Супрацоўнікі міліцыі шукаюць іншых пацярпелых.
Галыгіна прымусілі апраўдвацца за зварот да сілавікоў у 2020-м17
Каментары