МЗС Расіі: Адыёзная трактоўка беларускім бокам затрымання 33 расіян не вытрымлівае ніякай крытыкі
У МЗС Расіі запатрабавалі забяспечыць доступ консульскіх супрацоўнікаў да затрыманых расіянаў і спыніць нагнятаць «непатрэбныя, асабліва ў перыяд прэзідэнцкіх выбараў, негатыўныя эмоцыі». Пра гэта паведамляе прэс-служба расійскага ведамства.
— Адыёзная трактоўка беларускім бокам затрымання 33 грамадзян Расіі не вытрымлівае ніякай крытыкі. На сёння нам вядома, што ўказаная група накіроўвалася транзітам праз Мінск у Стамбул, маючы на руках усе неабходныя дакументы, уключаючы авіябілеты. Усю лагістыку на тэрыторыі Беларусі забяспечвала беларуская кампанія. Па невядомых прычынах група не патрапіла на свой рэйс Мінск-Стамбул і вымушаная была затрымацца ў Беларусі ў чаканні набыцця новых авіябілетаў беларускай кампаніяй, — гаворыцца ў паведамленні МЗС Расіі.
У расійскім ведамстве выказалі здзіўленне таму, што беларускім бокам сітуацыя ўяўляецца спробай прадставіць тое, што здарылася, як знешняе ўмяшанне ў справы Беларусі.
— У распараджэнні беларускіх улад, у тым ліку авіяцыйных, ёсць усе неабходныя дакументы для ўстанаўлення ісціны, — падкрэслілі ў МЗС РФ.
МЗС Расіі таксама запатрабавала забяспечыць доступ консульскіх супрацоўнікаў да затрыманых расіянаў, спыніць нагнятаць «непатрэбныя, асабліва ў перыяд прэзідэнцкіх выбараў, негатыўныя эмоцыі».
— Разлічваем на ўзважаны аб'ектыўны падыход беларускага боку да ўсталявання ўсіх абставін таго, што здарылася ў цесным узаемадзеянні з расійскім бокам, — падсумавалі ў МЗС Расіі.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары