Юрый Дудзь заклікаў беларускую міліцыю перастаць «калечыць бяззбройных землякоў»
Вядомы расійскі журналіст Юрый Дудзь у сваім тэлеграм-канале звярнуўся да беларускай міліцыі з просьбай не ўжываць сілу да пратэстоўцаў.
«Што я ўбачыў са сваёй хаты за апошнія дні? Як вы б'яце і страляеце ў бяззбройных людзей на вуліцы. Прычым не толькі тых, хто стаіць супраць вас на плошчах і вуліцах, але і тых, хто проста сядзіць на лаўцы»,— напісаў Дудзь.
Ён заўважыў, што, на яго думку, «без моцных дзецюкоў і дзяўчынак у пагонах» дзяржава існаваць не можа.
«Але нешта мне падказвае, што вы трэніравалі гэтую сілу і станавіліся супермэнамі не для таго, каб калечыць сваіх бяззбройных землякоў», — піша журналіст.
Дудзь дадаў, што калі міліцыянты паступаюць падобным чынам па сваёй волі, то яны не маюць рацыі. Калі па загадзе начальства — то «***** [вельмі далёка] трэба слаць такое начальства».
Павага і паклон усім сілавікам, якія сёння ж выдыхнуць, задумаюцца і больш не падымуць на свой народ ні рукі, ні дубінкі, ні ствала.
Мікола Бугай: Трэба перагарнуць старонку 2020-га і пачаць жыць новымі рэаліямі53
Каментары